Можеме да се обложиме дека никогаш не сте виделе вакво нешто освен во филмовите - станбената зграда „Риџент интернешнл“ во централната деловна област на кинескиот град Хангџоу е дом на 20.000 луѓе, што ја прави една од најгусто населените области во светот.
Импресивната зграда е висока 206 метри, има 39 ката, дизајнирана е како луксузен хотел и може да прими до 20.000 луѓе.
Жителите на оваа џиновска зграда имаат на располагање огромен центар за храна, базени, фризерски салони, салони за маникир, супермаркети, интернет-кафулиња итн. Со оглед на тоа што речиси сѐ им е на дофат на раката, нема многу причини луѓето да ја напуштат зградата, па голема е веројатноста да има и такви што никогаш не излегле надвор.
Зградата беше свечено отворена во 2013 година и е дизајнирана од Алиша Лу, позната по вториот хотел со седум ѕвезди во светот „Сингапур Сандс“. Во него претежно живеат студенти и млади професионалци како инфлуенсерите.
Според статија од кинеската новинска агенција „Сина“, помалите станови без прозорци обично се изнајмуваат за околу 200 евра месечно, додека поголемите станови со балкони може да се изнајмат за 522 евра месечно или повеќе.
Со повеќе од 260.000 квадратни метри простор, „Риџент интернешнл“ е една од најголемите во Кина. Сликите и видеата од импресивниот објект кружат на социјалните мрежи, а луѓето се зачудени како толку многу луѓе можат да живеат на едно место.
Сепак, иновативниот пристап кон урбаното живеење, кој буквално создаде самостоен екосистем, доби многу пофалби. Се одликува со беспрекорна мешавина на станбени, комерцијални и рекреативни простори, а некои ја опишуваат како „најодржлива станбена зграда на земјата“. Многумина ја споредија со оддалечениот град Витиер, Алјаска, каде што сите 272 жители живеат во истата 14-катна кула.
Фото: Screenshot/Instagram