Во Калифорнија се отвора првиот ресторан во САД со канабис на менито во редовна понуда. Но, за да ручате во овој угостителски објект, мора да имате над 21 година.
„Лоуел кафе“, кое се наоѓа во западен Холивуд, потврди за „Фокс њуз“ дека во својата понуда ќе вклучи марихуана, и тоа во разни облици. Гостите ќе можат да одбираат кој вид канабис го сакаат и на кој начин да биде послужен.
Како што се наведува на интернет-страницата на ресторанот, тие ќе имаат „цветно мени“ пред себе, кое секој ден ќе биде различно, „во зависност од сезонските жетви на земјоделците и земјопоседниците“.
Извор: МИА