Поголемиот дел од западниот, индустријализиран свет е загрижен за намалените стапки на наталитет и општеството што старее.

Додека доживувањето 65 години сѐ уште е привилегија во повеќето делови од светот, системите за социјална помош обично се потпираат на растечката работоспособна популација за поддршка на зависните групи (децата и старите).

Кога овој баланс ќе се наруши поради стареењето на населението, земјите се соочуваат со зголемен притисок врз здравствените и пензиските системи и врз економската продуктивност.


Најголем удел на постари лица во вкупното население има Монако - 37 %, а на второто место е Јапонија со 30 %, што значи дека речиси 37 милиони Јапонци се постари од 65 години.

Од регионот, најзагрозена е Грција, која се најде на 9. место и каде што 24,4 % од населението е постаро од 65 години, а уделот на ова население во Хрватска, која е 14. на листата, е 23,6 %. На 17. место се најде Србија, каде што нивниот процент изнесува 23,1 %, а во Босна и Херцеговина, која е на 18. место, 22,9 %. Меѓу земјите со најголем удел на старо население се најдоа и Бугарија, на 22. место, со 22,2 % и Словенија, на 23. место, со исто толкав процент.

Од 36 земји на листата, 28 се во Европа.

Извор: Visual Capitalist
Насловна фотографија: Freepik