Пивницата „Гисингер“ во Минхен нашла начин како да се справи со недостигот на масло за јадење поради војната во Украина - им дозволува на гостите да плаќаат со масло.

- Целата работа започна затоа што едноставно останавме без масло во кујната и моравме да бидеме инвентивни - изјавил менаџерот на пивницата, Ерик Хофман.

Маслото за јадење бргу исчезнува од полиците во супермаркетите во Германија откако почна војната во Украина.

- Многу е тешко да се дојде до масло... ако ви требаат 30 литри неделно, а наместо тоа добивате само 15, во еден момент веќе нема да може да пржите шницли - изјавил Хофман.

Тој открил дека гостите досега „замениле“ 400 литри масло за пиво во пивницата.

Во германските пивници еден литар пиво чини околу 7 евра, а шише масло за јадење од еден литар се продава за околу 4,5 евра.

Извор: Capital
Насловна фотографија: Pixabay