Одморот е одличен начин да се опуштите, да уживате и да се избегате од стресот на секојдневниот живот. Пакувањето за на одмор - сосема друга приказна.

Дури и искусните патници се под стрес кога се обидуваат да ја изберат вистинската облека што ќе ја спакуваат пред патувањето. Тука се и неизбежните грижи за просторот, неочекуваното време и заборавените работи.

Можеби затоа „методот 333“ е толку привлечен. Овој систем за пакување привлече обожаватели на „Тик-ток“ благодарение на неговиот едноставен пристап без стрес.

Што е метод на пакување „333“?

Концептот е прилично едноставен: изберете три горни, три долни дела и три пара чевли за да создадете различни комбинации на облека. Резултатот е десетина или повеќе можни комбинации кои се вклопуваат во вашиот рачен багаж.

- Правилото 333 помага да се реши стравот од препакување додека истовремено дава уверување дека ќе изгледате добро - изјавила Кети Настро, портпаролка на Службата за предупредување за летови. Неочекувана придобивка е и тоа што имате изговор да купите една или две работи на вашето патување - на крајот на краиштата, сепак сте лесно спакувани.

Ако го проверите „Тик-ток“, ќе најдете бескрајни видеа на патници кои ги покажуваат различните комбинации облека за одмор што успеваат да ги направат со деветте спакувани парчиња облека. Изворот на овој тренд е инфлуенсерката Рејчел Спенсер, која објавила видео во кое го објаснува овој метод.

Дури и ако не можете совршено да се придржувате до ограничувањата, таа верува дека методот 333 е одлична почетна точка за пакување, што можете да го надградувате по потреба.

Извор: n1info.hr

Фото: Freepik