Кога снежна бура ја погоди Пенсилванија минатата недела, средношколскиот фудбалски тренер на „Бетел парк“, Брајан Делало, го откажал тренингот на својот тим и ги испратил играчите да направат добро дело.
На неговиот твитер-профил сподели дека играчите им ги исчистиле дворовите и патиштата од снег на постарите соседи.
- Поради очекуваното лошо време, тренингот за кревање тегови в понеделник е откажан. Најдете постара личност или сосед со попреченост и исчистете му го дворот или патот од снегот. Не прифаќајте пари - тоа е вашиот тренинг - објави тој на неговиот твитер-профил.
Делало вели дека тоа не е ништо ново. Средношколците кои се членови на овој фудбалски тим го прават ова со децении, а оваа традиција, стара повеќе од 20 години, ја почнал поранешниот тренер Џеф Метини.
- Секогаш кога паѓаше снег и немаше часови, тој ги испраќаше децата да ги чистат дворовите и патиштата на постарите или изнемоштените во соседството. Ова го правиме долго време. Идејата не е моја, ова го научив од Џеф и продолжив да го применувам - објаснува тој.
На акцијата ѝ се приклучија околу 40 ученици. Тие го чистеа снегот со часови, а некои се пријавија доброволно носејќи им храна на бездомниците.
- Убаво е чувството да им се помага на другите - изјави 16-годишниот Дејвид Шелпман.
Фото: Freepik