Кафулињата се места на кои се одмораме или се дружиме со пријателите, но некогаш се користат и за работа и учење. Едно кафуле во Токио е наменето токму за учење и работа на студентски проект.

Кафулето се нарекува „Манускрипт рајтинг кафе“ и е создадено за да им помогне на посетителите да завршат некоја обврска поврзана со учење или пишување во даден рок. Кафулето не пушта посетители кои немаат рок за завршување на некоја задача, а не може ниту да го напуштите местото доколку не ја завршите задачата.


На влезот пишува дека кафулето ги пушта само оние луѓе што имаат рок за пишување за да им помогне да го задржат фокусот на работата.

Има и други правила за посетителите. При влезот треба да напишете резиме за работната задача, а на секој час, едно лице ве проверува како напредувате со пишувањето и ќе ве пушти да си заминете само кога ќе завршите.


Кафулето ги наплаќа услугите по час. Би прифатиле да учите и да работите во вакво кафуле?


Извор: Studentski
Насловна фотографија: Pixabay