Ако минувате неколку часа во денот буричкајќи низ телефонот, размислете да извлечете и понекој збор од него. Со промената на јазикот на вашиот паметен телефон (или некоја друга направа што постојано ја користите), можете да се навикнете на читањето на менито на странски јазик. Методата можеби на почетокот ќе ви изгледа застрашувачка, но нема да останете беспомошни. Иконите, боите и запомнетите движења можат да ве водат дури и ако зборовите на почетокот ви немаат некоја смисла.

Сепак, внимавајте важните апликации, како онаа што ви е поврзана со банкарската сметка, да ви останат на мајчиниот јазик.

Сите ние сме зависници од социјални мрежи. Ако веќе сте го промениле јазикот на телефонот, тогаш и апликациите ќе ви се појавуваат на тој јазик. Ако сакате исто искуство и кога ќе седнете на компјутер, одете во поставките на „Фејсбук“ и „Твитер“ и променете ги јазиците. Ако го направите тоа, ќе можете да го вежбате јазикот дури и кога сте на социјалните мрежи, па дури и за време на паузата за ручек на работа.

Читањето е едно нешто, но ќе сакате да го разберете и говорениот јазик. Поткастите се еден од најдобрите начини на кои можете да го почувствувате звукот на јазикот, особено ако сте страстен слушач. Нема да имате визуелна претстава за што се зборува, но ќе можете да „фатите“ понекоја фраза.

Нетфликс, Хулу, Амазон прајм видео и Ејџ-би-о гоу нудат содржина на странски јазик. Обидете се да го искористите тоа за да научите некој нов збор од јазикот што го учите.