IDEA LAB од Скопје, Македонија, е избрана за партнерство во PROI Worldwide, водечки глобален конзорциум на претприемачки агенции за комуникации со партнери во 55 земји.
- Споделување знаење и искуство со други сопственици на топ-независни агенции е важна професионална и развојна иницијатива за IDEA LAB. Навикнати сме да соработуваме со агенции на проекти низ Балканскиот Регион и ориентирани сме кон вмрежување и проширување на нашиот опсег на поголемо ниво со помош на PROI Partners - изјави Димитар Атанасовски, сопственик и маркетинг-директор на агенцијата.
Циро Диас Реис, претседател на глобално ниво на PROI Worldwide и директор на водечката бразилска агенција Imagem Corporativa, изјави: „Според одличната соработка со други PROI агенции, навистина сме среќни да ја додадеме IDEA LAB во нашата група на водечки претприемачки комуникациски компании. Нејзиниот креативен пристап и став кон услугите за клиентите и развојот на бизнисот совршено се вклопува во давање поддршка на нашите партнери во регионот.“
- Секогаш се трудиме да ги збогатиме нашите кампањи со дополнителна вредност. Овој начин на размислување го демонстрира креативниот труд што секој од нашиот тим го покажува преку својата работа - изјави Ема Анчевска, сопственик и тим-директор на IDEA LAB.
IDEA LAB е основана во 2013 година и е во сопственост на двајца лидери на агенцијата, Димитар Атанасовски и Ема Анчевска. Имаат создадено силна репутација за креирање и поддршка на проекти и кампањи за ПР, организација на настани, видеопродукција и социјални медиуми, за клиенти со програми за потрошувачки производи, здравствена заштита и владини програми. IDEA LAB е единствена ПР и маркетинг-агенција од Македонија што е членка на оваа престижна организација.
PROI Worldwide опфаќа повеќе од 80 бизниси за односи со јавност и комуникации во 165 градови и 55 земји. Како што вели Реис, индивидуално, тие се докажани лидери во своите домашни пазари. Колективно, PROI-партнерите претставуваат повеќе од 913 милиони американски долари во приходи и 6.900 вработени. Илјадници клиенти, вклучувајќи десетици од Fortune 500 компаниите, им веруваат на PROI-партнерите во една или повеќе земји и региони низ светот.
За IDEA LAB
IDEA LAB е македонска ПР и маркетинг-агенција со седиште во Скопје. Основана во 2013 од двајца коосновачи, IDEA LAB има развиено широка мрежа на портфолио од клиенти и позитивни референци — доказ за уникатниот пристап за квалитет на компанијата. Визијата на агенцијата е едноставна — нема нешто што не може да се направи. Тимот се залага за креативност и иновативни комуникациски стратегии, кои веќе се препознатливи на локалниот и регионален пазар. Со целење кон раст, компанијата продолжува да успева во привлекувањето нови клиенти со трансформативни идеи. Мотивирани од вложување труд, желбата да се направи разлика, константно подобрување на креативните и комуникациски вештини, дневната навика за пронаоѓање инспирација од глобалните ПР и маркетинг-трендови, е точниот минимум што ја движи IDEA LAB напред.
За PROI Worldwide
PROI Worldwide ја користи колективната моќ на најамбициозните претприемачки комуникациски компании во светот. Со споделување глобален увид и најдобри практики, PROI-агенциите се најдобрите трендсетери на пазарот, поддржувајќи ја желбата да се испорачаат највлијателните комуникациски кампањи за своите клиенти. Во 2020 година PROI опфати 80 партнери со 6.900 вработени во над 165 градови и 55 земји. Со комбиниран приход од над 913 милиони американски долари, PROI се рангираше 5. меѓу консолидирани комуникациски групации, а беше и единствената што е базирана на уникатно партнерство со независни бизнис-индивидуи.