Се ближат одморите, а многумина ќе се одлучат за Грција како дестинација. Доколку сакате да видите нешто необично оваа година, може да разгледате хотели кои се дизајнирани од врвни локални и странски архитектонски фирми. Во продолжение се неколку прекрасни дизајнерски хотели во Грција во кои може да престојувате.

„Екис ол сенсес резорт“ (Ekies All Senses Resort)


Дизајнирано за совршено да се вклопи во идиличниот пејзаж на заливот Вурвуру на полуостровот Ситонија, ова одморалиште има 76 соби, 3 ресторани и 2 бара. За дизајнот биле задолжени локални и италијански фирми.

„Олеа ол суит хотел“ (Olea All Suite Hotel)


Се смета за еден од најсовршените хотели на грчките острови, а бил дизајниран од домашна фирма. Ова одморалиште на Закинтос се простира на 6.000 квадратни метри, има 93 соби и отворен и затворен базен.

„Рокабела Миконос хотел“ (Rocabella Mykonos Hotel)


Овој хотел бил реновиран во 2019 и оттогаш го има овој дизајн, кој е комбинација на традиционалната архитектура и топографијата. Се наоѓа на Миконос, а има 24 луксузни соби.

„Микониан кима“ (Myconian Kyma)


Хотелот е сместен на врв на рид во Миконос и има поглед кон Егејското Море. Станува збор за луксузно одморалиште дизајнирано од либанска фирма.

„Парилио“ (Parīlio)


Сместен во Парос, хотелот е препознатлив по грчката архитектура во комбинација со европски елементи.

„Вора“ (Vora)


Хотелот се наоѓа на островот Санторини и се карактеризира со минимален дизајн кој совршено се вклопува во околината. Тој се состои од три вили во кои може да се престојува.

„Критан малиа парк“ (Cretan Malia Park)


Оваа модернистичка структура била изградена кон крајот на 80-тите години. Хотелот, кој се наоѓа на Крит, бил реновиран во 2018 година и се карактеризира со повеќе стилови, но го задржува критскиот идентитет.

„Миконос теоксенија“ (Mykonos Theoxenia)


Оваа ниска градба на Миконос се наоѓа на одлична локација - покрај бели ветерници кои се заштитен знак на овој остров. Хотелот неодамна бил обновен. Тој има 37 соби и 12 луксузни апартмани.

„Ноус Санторини“ (Noūs Santorini)


Повикувајќи се на традиционалната локална архитектура и природата во Санторини, хотелот има необичен изглед кој совршено одговара на вулканската околина.

„Минос бич арт хотел“ (Minos Beach Art Hotel)


Хотелот се состои од повеќе бунгалови сместени на простор долг 2,5 километри покрај морето. Тој се наоѓа на Крит. Комплексот со 121 соба бил дизајниран од четири грчки дизајнерки.

Извор: Gradnja
Насловна фотографија: Minos Beach