Словачкиот парламент донесе закон со кој се продолжува забраната за објавување истражувања на јавното мислење пред изборите од 14 на 50 дена. Забраната ќе важи и за општите избори, закажани за четири месеци.
Одлуката на владејачката партија СМЕР пред изборите предизвика критики од опозицијата, но и од политичките експерти кои во тоа гледаат обид да се замолчат новите партии во Словачка.
- Веруваме дека овој закон нема да им го ограничи правото на пристап до информации на гласачите бидејќи е дизајниран токму за заштита на гласачите од дезинформации и наменски информации - се посочува во образложението на законот.
Извор: МИА