Медицинска сестра од оддел за итни случаи исплови кон зафрлениот остров во близина на бреговите на Шведска за да помине една недела гледајќи филмови во некогашен светилник.

Лиза Енрот ја доби невообичаената награда откако се пријави на натпреварот на Филмскиот фестивал во Гетеборг.

Имало вкупно 12.000 пријави, но Лиза била избрана да мине една недела во светилникот „Патер Ностер“, кој сега е хотел.

Таа истакна дека откако поминала месеци справувајќи се со последиците на Ковид-19, со нетрпение ја очекува мирната недела.

- Ова е одлична можност за мене, за да се обидам да размислам за изминатата година и на некој начин малку да се соземам затоа што беше тешко - рече таа.

Лиза практично нема да има контакт со надворешниот свет освен преку видеодневниците кои планира да ги снима за нејзиното искуство и филмовите што ќе ги гледа додека е таму.