Најмалку 69 лица загинаа по земјотресот со јачина од 6,9 степени според Рихтеровата скала што го погоди централниот дел од Филипините.
Во покраината Себу е прогласена состојба на катастрофа откако земјотресот ја погоди областа вчера околу 22 часот по локално време.
Снимките пред и по земјотресот покажуваат колкава е штетата и може да се видат распукани мостови и патишта и уништени згради.
Спасувачите сега се борат со времето и бараат преживеани во рушевините, додека властите брзаат да достават помош и да ги вратат електричната енергија и комуникациските врски.
Филипините се многу ранливи на природни катастрофи и лежат на геолошки нестабилен „огнен прстен“, пренесе Би-би-си.
Земјотресот се случи по една недела откако тајфуните убија повеќе од 10 лица и невообичаено влажната сезона на монсуни предизвика поплави.
Во продолжение можете да погледнете снимки и фотографии од Филипините.
Насловна фотографија: EMSC