НАСА има идеја како би изгледал светот без мраз. Во 2013 година НАСА го создаде „Бедмап2“, детален топографски модел или пакет на мрежни производи што го прикажуваат пејзажот под ледениот Антарктик, како и надморската височина. Преку радарска технологија и детално собирање податоци од 25 милиони мерења, „Бедмап2“ обезбедува увид во светот што се менува.
Оригиналниот „Бедмап“ е создаден во 2001 година. „Бедмап2“ користи многу повеќе податоци за да создаде компилација од знаења околу регионот на Антарктикот.
Податоците за надморската височина, дебелината на мразот и топографијата на карпите од НАСА и Британското антарктичко истражување помагаат да се направи детална слика за скриениот свет. Додека Антарктикот е 98 отсто покриен со мраз, под него има низа карпести планини и клисури. Користејќи радарска технологија, позната како повеќеканален кохерентен радарски звучник за длабочина, истражувачите ја открија најниската точка на континентот: 2.870 метри под нивото на морето, под глечерот Бирд.
- Ледените плочи растат поради снегот и се шират нанадвор - вели Софи Новицки од Центарот за вселенски летови на НАСА, „Годард“.
Обликот на карпестото корито е особено важен за пресметување како климатските промени ќе влијаат врз Антарктикот и врз светот.
Извор:
Iflscience.com
Фото: NASA/Godard