Пред општите избори во БиХ, селото Подгора ги предупреди сите кандидати на сите партии да не доаѓаат таму.

„Нè лажете со години. Ниту една партија не е добредојдена во Подгора“, пишува на голем транспарент што се наоѓа сретсело. На задната страна од транспарентот, за оние што се тврдоглави, е напишана пораката: Дали прочитавте? На луѓето им е доста“.

Les candidats sont prévenus : ils sont interdits de campagne à Podgora en Bosnie. "Vous nous mentez depuis des années. Aucun parti n'est bienvenu à Podgora", annonce une banderole #AFP pic.twitter.com/oLy8r0MEn2

— Agence France-Presse (@afpfr) October 3, 2018

Дел од партиските активисти помислиле дека жителите на селото не мислат сериозно, но нивните плакати биле искинати.

Подгора има 700 жители и малку е веројатно дека на изборите в недела ќе излезат да гласаат.

Помалку од 20 отсто од граѓаните имаат доверба во политичарите во државата, се наведува во анкета на Здружението на новинари на БиХ.

Извор: МИА