Многу евтини производи што се користат насекаде низ светот се произведуваат во Кина. Оваа држава го снабдува светот со роденденски свеќи, чепкалки за заби, тениски рекети и многу други работи. Поголемиот дел од овие производи се произведуваат во само еден град - Јиву.
Јиву е мал град според кинеските стандарди, со население од над 1,2 милион жители. Но тој е важен за секој што некогаш купил чорапи, патенти или евтини маски произведени во Кина. Компании од целиот свет секоја година доаѓаат во Јиву да купуваат стоки и да прават нарачки на големо што потоа ќе завршат во продавниците за градежни работи или сувенири во наша близина.
Се проценува дека над 60% од сите новогодишни украси, особени светилките, се произведени во Јиву. Рафаеле Петрала, фотограф што го посетил градот, вели дека Божиќ почнува во септември во Јиву. Божиќниот пазар во Јиву е поголем од стадион, а во градот има и пазар за играчки, за патенти и за чорапи.
Фабриките во градот произведуваат многу од стоките што се продаваат на овие големи пазари, но духот на производството се шири и во предградијата и селата, каде што луѓето шијат во своите домови, а потоа ги продаваат производите на пазарите. Се проценува дека над 1.000 контејнери секој ден го напуштаат Јиву и се упатуваат кон странските пристаништа.
Како и во многу други
кинески градови, економијата на Јиву некогаш се потпирала на земјоделството и сточарството. Градот почнал да станува центар за производство на стоки за трговија во 50-тите години. Градските власти инвестирале во инфраструктура и фабрики и сега продолжуваат да инвестираат во зголемување на квалитетот на производите што се прават во фабриките.
Автор: Даниел Стоун
Извор:
nationalgeographic.com