Изразот „вештачки сјај“ го опишува намерното зголемување или производство на атмосферски сјај кој обично природно испушта светлина во атмосферата.

Овој феномен, познат како аурора бореалис, може да се види на различни надморски височини и е предизвикан од сончевото и космичко зрачење, кое предизвикува светлина кога се судира со атмосферските молекули на гасови како кислород и азот. Најчесто оваа светлина е зелена и најдобро се гледа ноќе.

Сега, програмата за истражување за радиобранови со висока фреквенција ХААРП во Алјаска ќе го создаде овој феномен на небото во период од четири дена започнувајќи оваа сабота. Ова се прави за да се спроведат експерименти на механизми во јоносферата кои создаваат оптички емисии.

Дополнително, истражувачите ќе се обидат да утврдат дали специфични плазма-бранови ги засилуваат другите бранови со многу ниска фреквенција и ќе проучат како сателитите можат да детектираат и да избегнат судири со користење на овие специфични плазма-бранови.

Слично на тоа како сончевата енергија произведува природна поларна светлина, ХААРП ќе произведе воздушен сјај со испуштање високофреквентни радиобранови за да ги возбуди електроните во Земјината јоносфера.

За време на експериментите ќе биде видлива бледо црвена или зелена светлина во близина на истражувачкиот центар во Алјаска.

Извор: Interesting engineering
Насловна фотографија: Pixabay