Ова е за нашите драги наставници од основно образование кои постојано нè предупредуваа за нашиот лош ракопис. Ако ракописот на лекарот не е доволен доказ дека секогаш може да биде полошо, тогаш погледнете го рускиот начин на пишување ракописни букви.
Кога твитер-корисникот Кристијан сподели неколку слики, интернет-корисниците беа воодушевени од рачно напишаните ракописни букви. Наскоро, голем дел од твитер-корисниците почнаа да споделуваат свои примери на руски ракопис.
Како ракописните букви да не се доволно тешки, руските ракописни букви се едно сосема ново ниво.
Наташа Александрова, натавничка по руски јазик тврди дека учењето курзивно пишување ви дава поглед кон рускиот начин на пишување.
- Секој Русин кој одеше на училиште, со задоволство ќе се потсети на училишните години кога користеа Прописи и учеа како рачно да пишуваат (некои имаат убави спомени, додека други се сеќаваат дека ги препишувале тие писма милиони пати, сè додека не беа совршени), но секој имаше вакво искуство - вели таа.
Очигледно, рачното пишување е дел од растечкиот процес во руската култура и учењето и тоа претставува важна пресвртница во образованието и развојот на детето.
Ракописното пишување е толку популарно во Русија, што луѓето сè уште пишуваат писма, разгледници, рецепти, адреси и списоци за пазарење.
Ако планирате да ја посетите Русија, Наташа вели дека ќе наидете на рачно напишани знаци, па дури и имиња на продавници, станици и други важни работи испечатени во фонотви што го имитираат рачно напишан ракопис.
Фотографии: Twitter