Лекари и инженери создале нов гел кој може да ги поправи оштетените нерви подобро од кој било друг метод што се користел досега.
Гелот е растеглив влажен материјал што ги обновува нервите. Во испитувања на животни, истражувачите од универзитетот во Нанџинг, Кина, откриле дека гелот ја обновил изгубената функција на нервите и им помогнал на животните побргу да оздрават.
Истражувачите се надеваат дека гелот ќе има еднакво добро дејство и на луѓето.
Кога се оштетуваат нервите, се блокира или губи испраќањето на биоелектричните сигнали што се испраќаат до и од мозокот. Ова може да предизвика болка, послаби моторни функции и вкочанетост. Оштетувањето на нервите тешко се лекува.
Фото: Pixabay
Досега лекарите ги поправале оштетените нерви така што ги заменувале со здрави нерви или импланти. Меѓутоа, закрепнувањето може да биде бавно и може да бидат потребни дополнителни операции.
Кога станува збор за гелот, тој ја вратил функционалноста на повредените нерви кај стаорци и жаби за неколку недели. Според истражувачите, процесот на закрепнување може да биде и побрз бидејќи гелот станува поефективен кога е под инфрацрвена светлина.
Автор: Ден Робитски
Извор:
futurism.com