Антоан де Сент-Егзипери бил роден во француско благородничко семејство. Имал среќно детство и мечтаел да стане пилот. Во 1921 година поминал воена служба и станал пилот. Во меѓувреме почнал да пишува и да ги објавува своите дела инспирирани од неговите искуства како авијатичар.

Во 1932 година се посветува на пишувањето и новинарството, особено на поголеми репортажи. Неговото најпознато дело „Малиот принц“ било напишано во Њујорк во текот на војната. Било објавено во 1943 година во Њујорк, заедно со неговите лични цртежи, а во 1946 година во Франција. Оваа книга напишана за возрасните што заборавиле дека некогаш биле деца набргу постигнала огромен светски успех.

Во продолжение ви пренесуваме дел од неговите мудрости:

- Кога се даваш себеси, добиваш повеќе отколку што даваш.

- Познавам само една слобода, а тоа е слободата на умот.

- Каменот престанува да биде камен во оној момент кога човекот размислува за него и во него гледа слика од катедрала.

- Она што пустината ја прави убава е фактот дека некаде крие извор.

- Во задоволството на авантурата и победата човек наоѓа вистинска среќа.

- Само со срцето можете да гледате вистински. Она што е суштинско важно е невидливо за окото.

- Да се биде човек, значи да се биде одговорен.

- Цел без план е само желба.

- Љубовта не е да гледате еден во друг, туку да гледате во истата насока.

- Толку тајно место е земјата на солзите.

- Јазикот е изворот на недоразбирањата.

- Она што го спасува еден човек е правењето чекор. Потоа уште еден чекор. Секогаш истиот чекор, но мора да го направиш.

- Секоја личност што влегува во нашите животи доаѓа со причина; некои доаѓаат да научат, други доаѓаат да ве научат.

- Вистинската љубов почнува онаму каде ништо не се очекува за возврат.

- Не е наше да ја предвидуваме иднината, туку да ја обликуваме.

- Значењето на нештата не лежи во самите нешта, туку во нашиот став кон нив.

- Не можеш да засадиш желад наутро и да очекуваш попладне да седиш под дабова сенка.