Основачот на „Амазон“, Џеф Безос, за помалку од 13 минути заработува повеќе отколку што просечниот човек заработува во текот на целиот живот, покажуваат податоците објавени од бизнис-магазинот „Форчн“.

Во 2023 година богатството на Безос се зголемило од 107 на 177 милијарди долари, што одговара на зголемување на богатството за 191,78 милиони долари дневно, или околу 7,99 милиони долари на час.

Просечниот Американец, според податоците од 2023 година, во текот на својот работен век заработува 1,7 милиони долари, а Безос оваа сума ја заработува за 12,76 минути.

Како што веќе знаете, „Амазон“ е глобален гигант во онлајн трговијата и спаѓа во групата на седумте величествени, американски технолошки компании кои имаат најголема вредност на берзите.

Извор: Yahoo.com
Фото: Screenshot/YouTube