Нискобуџетната авиокомпанија „Визер“ од октомври повеќе не продава билети за авиолиниите од Скопје до Барселона и од Охрид до Лондон, јавува МИА.

На официјалната веб-страница на компанијата не може да се резервираат билети за овие дестинации од октомври, поточно последниот лет од Скопје до Барселона за кој може да се резервира билет е 26 октомври, а од Охрид за Лондон - 24 октомври.

Билети веќе не можат да се купат и за летовите од скопскиот аеродром до Ваксјо во Шведска по 16 септември.

Од компанијата нема официјална потврда зошто по овие термини не може да се резервира билет.