Постои нешто магично во врска со одморот. Колку и да нè нервира пред патувањето, колку и да се жалиме за чекањето на аеродром или сообраќајот, секогаш се враќаме со најубавите приказни. А што ако во реалноста не е така? Тогаш, гледаме приказната да звучи така. Затоа што никој не сака да признае дека климата во хотелот не работела или дека „традиционалната таверна“ служела замрзнат помфрит.

Според истражување објавено од „ТФ1 инфо“, 54 отсто од Французите признаваат дека лажат за своето искуство од одмор. Не станува збор за големи и опасни лаги; тоа се мали, секојдневни лаги кои малку ја „разубавуваат“ реалноста.

И кој не паднал на такво искушение? Малку „почиста“ вода, малку „совршен“ залез на сонцето, малку „сликовито“ село. Во секој случај, „Инстаграм“ многу помага во тоа. Со малку имагинација, може да се поправи сè. Туристите во заднина исчезнуваат, облаците се повлекуваат, а вие изгледате како да живеете во свет каде што сонцето секогаш сјае само за вас.

Овој феномен, секако, не е ограничен само на Франција, туку е глобален. Сите барем еднаш сме рекле дека си поминавме совршено, иако знаеме дека во најдобар случај ни било просечно. И можеби тоа не е толку лошо. Како што вели еден турист кој учествувал во истражувањето: - Можеби сите малку го преувеличуваме малото авантуристичко искуство за да ни остане поубаво во сеќавање.

На крајот на краиштата, можеби тоа е тајната на одморот. Не само да се доживее, туку и да се прераскажува онака како што ние би сакале да биде. Нашето сеќавање, во секој случај, има свој „алгоритам“ и работи подобро од „Фотошоп“.

Извор: Euronews.rs
Фото: Freepik