Вештерки, полицајци, принцези, научници, зомбиња, суперхерои и што уште не можеше да се види вчера на традиционалниот карневал што беше организиран во Интернационалното француско училиште ЕФИС во Скопје.
Младите полицајци ги запираа вештерките и принцезите, научниците се сретнаа со маскираните во зомби, а некои од суперхероите внимаваа на безбедноста на професорите и родителите.
Од ЕФИС велат дека на забавен начин било прославено доаѓањето на пролетта и на убавите денови!