Во 2025 година светската популација на милионери достигна 60 милиони возрасни лица, а најголемиот дел од нив живеат во САД, Кина и Франција, кои заедно поседуваат повеќе од половина од светското богатство.
Ако го замислиме светот на милионери како десет лица, четворица би живееле во Америка, еден во Кина, а другите во разни земји во светот. Оваа група располага со 226 трилиони долари, при што САД продолжуваат да доминираат во светската распределба на богатството, додека други земји покажуваат значителен раст на богатството, особено во развојните пазари.
Оваа група поседува 226 трилиони долари распределени меѓу 60 милиони индивидуи. Иако богатството значително пораснало во земјите во развој, поддржано од силен економски раст, САД продолжуваат да доминираат во светската распределба на богатството.
Фото: Visual Capitalist
Во САД, околу еден од десет возрасни Американци е милионер, што ја носи вкупната бројка до 23,8 милиони. Најбогати градови се Њујорк, Лос Анџелес и областа Сан Франциско, следени од Чикаго и Хјустон. Интересно, Скотсдејл, Аризона, забележа најбрз раст на милионери во последната деценија.
Кина се најде на второто место со 6,1 милиони возрасни милионери. Од 2014 година бројот на милионери во Шенжен порасна за 124 отсто, каде што се седиштата на големи технолошки компании како „Тенсент“ и „Хуавеи“.
Франција е на трето место, со околу половина од бројот на милионери во Кина. Таа е и дом на најмногу милијардери во Европа, вклучувајќи го и еден од најбогатите луѓе на светот, Бернард Арно.
Швајцарија и Луксембург имаат највисока концентрација - еден милионер на секои седум возрасни лица.
Хонгконг, Австралија и Холандија, исто така, имаат висока концентрација на милионери, со еден на десет возрасни.
Извор:
Visual Capitalist
Фото: Visual Capitalist