Сме возеле велосипедски тури во изминативе три години низ цела Македонија, но Алшар е нешто посебно. Прекрасната природа, планинските врвови, патеката зачинети со кал која даваше посебен „филинг“ на возењето направи да се чуствуваме како да сме во Швајцарија. Ваква организација на настанот - Македонија се уште нема доживеано. Со еден збор Живко Гурев, Бојан Маринковиќ, Иван Боев, Лазе, Иле Мајсторот, и сите останати, е една од реакциите на учесниците

„И јас го допрев Сонцето“, „Браво“, „Секоја чест“, „Одлична организација, „Ни дозволија таму каде што не е дозволено“... Ова се само дел од реакциите на учесниците на годинашната велоспиедска и пешачка тура „Алшар 2016“ која викендов се одржа на планината Кожув, а ја организира Здружението „Тиквешки точакџии“. Мотото на првата тура беше „АлШар 2016 - Допри го сонцето, откриј ја тајната за почетокот на светот“, траеше два дена и се одрѓа под отворено небо.


- Според тоа што се случи, можам да кажам дека настанот помина добро, а особено во организациониот дел, во делот на безбедноста и во делот на посетеноста - вели скромно Живко Гурев, еден „точакџиите“.

За разлика од неговите зборови, на социјалните мрежи нема учесник кој штеди епитети за се што се случи викедов на Кожув.

- Сме возеле велосипедски тури во изминативе три години низ цела Македонија, но Алшар е нешто посебно. Прекрасната природа, планинските врвови, патеката зачинети со кал која даваше посебен „филинг“ на возењето направи да се чуствуваме како да сме во Швајцарија. Ваква организација на настанот - Македонија се уште нема доживеано. Со еден збор Живко Гурев, Бојан Маринковиќ, Иван Боев Лазе, Иле Мајсторот, и сите останати - имате едно големо браво и благодариме за незаборавниот викенд кој долго ќе се прераскажува. Поздрав - вели потпишаниот Гоце Фуџи.



Живко Гурев од името на сите „Тиквешки точакџии“ изразува огромна благодарност до сите, како на спонзорите, така и на сите други кои на кој било друг начин помогнале во реализацијата на овој настан.

- Особено би изразил посебно огромна благодарност до Општина Кавадарци и градоначалникот Александар Панов, компанијата „Кожувчанка“ и Г-дин Митко Јанчев, кои безрезервно, како финансиски, така и со техничка помош придонесоа целиот настан да биде нешто што ќе се памети и нешто што се нема случено на овие простори. Исто така голема благодарност и до „Слога“ од Кавадарци, на чело со Г-дин Ласко Јованов и Г-дин Горан Јованов, кои покрај финансиската помош, се и директно вклучени во сите теренски работи како активни велосипедисти, „Инсиг осигурување“, „Бадев“, „Инел“, „Сам вел“ и сите останати, без кои сигурно не би се реализирал „АлШар 2016“ онака како што се реализира и за кои се надеваме дека ќе премине во традиционален настан.

Според зборовите на сите учесници, сметам дека имаше многу позитивни реакции, имаше и неколку критики, кои само ќе ни бидат коректор и ќе ни дадат поголем мотив за да во иднина се потрудиме колку е можно сите ненамерни грешки да се сведат на минимум. Во делот на посетеноста, и ние, а и сите присутни, бевме изненадени од бројот на посетители, бидејќи ги надмина сите наши очекувања - вели Гурев.

Повеќе фотографии на ОВОЈ ЛИНК