Денес е вторник, 23 август 2016 година, 236-иот ден во годината. Сонцето
изгреа во 05:45, а ќе зајде во 19:24 часот. Денот ќе трае 13 часа и 39
минути.
Ова утро во Македонија имаме умерено облачно време кое што е проследено
со засилен северозападен и североисточен ветер. Понекаде во
Пелагонискиот и Преспанскиот регион можни се и локални врнежи од дожд.
МАКЕДОНИЈА - Во Македонија денес есенски ден. Ќе биде умерено облачно со
повремени сончеви периоди, ветровито и свежо. Услови за локални врнежи
од дожд и грмотевици се очекуваат во југозападните како и во крајните
источни и североисточни предели. Ќе дува доумерен засилен северозападен
и североисточен ветер, кој понекаде ќе достигне брзина и до 40 км/ч.
Утринските температури од 10 до 19 степени, додека пак максималните
температури ќе бележат големо опаѓање и ќе се движат од 18 до 27
степени. УВ индекс 2.
СКОПЈЕ – Во Скопје денес ќе биде умерено облачно со повремени сончеви
периоди, ветровито и посвежо време. Ќе дува доумерен засилен
северозападен ветер. Утринската температура од 16 степени, а
максималната дневна ќе достигне до 24 степени. УВ индекс 2.
МАКЕДОНИЈА 5 ДЕНА – Во среда умерено облачно со сончеви периоди,
ветровито и потопло време. Попладне во југозападните, југоисточните како
и во североисточните предели нестабилно со услови за локални врнежи од
дожд. Максималните температури од 23 до 32 степени. Во четврток претежно
сончево со локална облачност и потопло време со максимнални температури
од 25 до 34 степени. Во петок, сабота и недела по свежите утра, во текот
на денот сончево и топло со пораст на температурите. Во петок од 25 до
34, сабота од 26 до 35 и во недела од 27 до 36 степени.
Weather4all.com.mk