Кога аплицираме за одредена работи, повеќе се концентрираме на потешките вештини ко ги владееме, односно на вештините кои се мерливи, како одредени квалификации, способноста за зборување странски јазици, минати искуства и успеси и слично.


Сепак, не значи дека „обичните, човечки“ вештини се помалку важни. Тука спаѓаат учтивоста, љубезноста, трудољубивоста, организираноста. Еве неколку начини на кои можете да ги подобрите истите.

Способност за вешто решавање конфликти

Ова е особено важно ако постојано сте во контакт со клиенти. Трпеливоста е од основно значење, особено ако се случи да се конфронтирате со лут и агресивен клиент. Останете смирени, слушајте што има да ви каже другата страна и покажете разбирање, а потоа предложете решение. Бидете спремни на компромис.

Способност за решавање на проблеми

Потсетете се на проблемите од минатото и како сте се справиле со нив. Преземете ги позитивните работи од тие искуства и повторете ги. Извлечените поуки претворете ги во лекции за решавање на проблеми.

Комуникациски вештини

Активно слушање е важен дел од комуникацискиот процес. Потребно е да обрнете внимание кога некој ви зборува и да воспоставите контакт со очите. Јасно изразувајте ги идеите и бидете прецизни. Не го мачете соговорникот со неважни информации. Бидете отворени и покажете разбирање. На крајот, се разбира, верувајте во она што го зборувате и настапете со самодоверба.

Критичко мислење

Критичката мисла е важна за напредок – може да ви даде идеи за подобрување и надградување.

Способност за прилагодување на промени

Ништо не може да остане исто засекогаш. Промената мора да дојде, а вие треба да најдете позитивни карактеристики во сето тоа и да се прилагодите.