Организација за заштита на природата ја повикува јавноста да предложи имиња за женката која е редок вид на албино орангутан, спасена од жителите на Индонезискиот дел на островот Борнео, во надеж дека тоа ќе ги инспирира луѓето да вложат напор за да се сочува загрозениот вид.


Од фондацијата за опстанок на орангутаните на Борнео, соопштиле дека женката која има пет години ја чуваат во слабо осветлен објект, со ветеринарна нега, откако е спасена на 29 април.

Во соопштението на фондацијата е наведено дека женката орангутан станала амбасадор на својот вид и дека нејзиното име треба да ги одразува предизвиците со кои се соочуваат орангутаните во дивината.

Предлозите за името треба да се испратат на адреса name@orangutan.org.id, или со користење на хаштаг #albinoorangutan на социјалните мрежи, до 14 мај.