Татковците што сами ги одгледуваат своите деца велат дека понекогаш се толку осамени, што се прашуваат каков би им бил животот без децата, а потоа ги прогонува совеста бидејќи воопшто помислиле на тоа.

За своите искуства, секојдневие и мисли прозборуваа на мобилната апликација „Виспер“. Со оглед на тоа што апликацијата овозможува анонимност, тие искрено зборуваа без да бидат осудувани од луѓето, семејството и роднините. Ова се нивните искуства:

- Јас сум самохран татко и постојано измислувам изговори кога пријателите ќе ме повикаат да излеземе. Мислам дека никој нема да може да се грижи за мојата ќерка како што можам јас. Нејзе ѝ е потребно моето време многу повеќе отколку на другите.

- Обожавам што сум самохран татко. Но барем еднаш во месецот би сакал повторно да имам 21 година и да излезам со пријателите. Поради ова имам грижа на совеста.


- Никогаш не мислев дека ќе биде толку тешко да се биде самохран родител. Сепак, секое утро после будење најпрво го прегрнувам моето дете.

- Сам се грижам за своите деца во последните 13 години. Како што го напуштаат домот, моето чувство на осаменост е сè поголемо. Многу е полошо отколку што си замислував.

- Постојано му кажувам на син ми дека го сакам - тој ми е најважен и се чувствувам празно кога не сме заедно.

- Како самохран родител, почнувам да сфаќам дека можеби никогаш во животот нема да имам шанса да излезам со некоја жена.

- Јас сум самохран родител, а работам во војска. Затоа често се прашувам дали на мојата ќерка би ѝ било подобро без мене.

- Имам целосно старателство над мојот син, а покрај тоа сум и полицаец. Секојпат кога ќе се збогувам со него стравувам дека повеќе нема да ме види.

- Тешко е. Го носам син ми на фудбал или пливање, па седам и го чекам додека мајките на другите деца се собираат и се дружат. Тогаш се чувствувам како идиот.

- Постојано слушам: „Самохраните мајки мора сè да работат, целиот товар е врз нив“. Но и нам, на самохраните татковци, ни е исто.


- Можеби е тешко да се биде самохран татко, но сè додека мојата ќерка е добро, и јас ќе бидам добро.

- Половина од слободните девојки, кои инаку би биле заинтересирани за мене ако немам деца, сега не ме погледнуваат.

- Ги сакам моите деца повеќе од сè, но понекогаш си замислувам каков би бил мојот живот без нив и тогаш чувствувам вина.

- Понекогаш сум преплашен од количината и од видот на прашањата на мојата 6-годишна ќерка.

- Нам, на самохраните татковци, ни е тешко да излегуваме со жени. Откако ќе дознаат дека имам дете, едноставно исчезнуваат.

- Луѓето постојано ме фалат затоа што сум самохран татко, додека самохраните мајки ги гледаат со презир. Не знам зошто се овие двојни стандарди.

- Самохран татко сум и чувството на осаменост е толку реално.