Шокантна фотографија од мало девојче како пие валкана вода од вир во центар на град станала предмет на расправа во цела Аргентина и Јужна Америка. Едно девојче во текот на топлотниот бран во аргентинскиот град Посадасу клечи на колена и како куче пие од валканата вода.


Фотографијата ја направил локалниот новинар и хуманитарец Мигуе Риос, па наскоро станала вирална на целиот континент, а во Аргентина е наречена „фотографија што ја засрами целата држава“.

За ситуацијата да биде полоша, локалното население тврди дека ова е вообичаена сцена за центарот на Посадасу. Девојчето не е единствено, наводно се работи за цела група сиромашни деца од племето Мбија Гуарани кои секој ден доаѓаат во центарот на градот.

Риос објаснил дека фотографијата ја објавил бидејќи сите знаат каква е состојбата во земјата, а никој не презема ништо. Тврди дека е време да се почне со решавање на овие проблеми, односно оние што се избрани да почнат да се грижат за другите, а не само за полнење на сопствениот џеб. 

Риос исто така потенцира дека децата се принудени од возрасните во племето да доаѓаат во центарот на градот и да просат. Често локалното население им дава пари и им помага да се вратат дома, но тие секогаш повторно доаѓаат.