Откажувањето од работењето во канцеларија во корист на работата на далечина им даде на вработените време да се занимаваат со социјалните мрежи, да купуваат онлајн, да вршат работи низ домот, па дури и да имаат секс во текот на работното време, покажува неодамнешно истражување.

Овие активности доведоа до тоа секој седми вработен да пријави само три до четири часа вистинска работа, според истражувањето на 1.000 вработени на далечина од САД, од страна на „Апгрејдед поинтс“.

Околу 10 отсто од испитаниците признале дека дури и пијат неколку пијачки дома во текто на работното време. Дури една третина од нив признале дека работат дома додека ги извршуваат обврските низ домот, 24 отсто од нив дремнуваат за време на работното време, а 23 отсто признаваат дека тоа време го користат за да одат на лекар.

Истражувањето покажа и дека 74,7 отсто од работниците седат на социјалните мрежи во текот на работниот ден, 69,6 отсто купуваат онлајн, 52,9 отсто гледаат филмови, а 32,2 отсто планираат патувања.

Во меѓувреме, 3 од 10 работници на далечина го избегнуваат својот шеф со повремено движење на глувчето за да го направат нивниот статус „активен“, а не отсутен или „офлајн“, покажа истражувањето.

Исто така, резултатите од истражувањето покажаа дека луѓето кои работат на далечина често работат од други локации отколку од нивните домови.

Додека мнозинството работат од дома, 13,7 отсто претпочитаат да работат од локално кафуле, додека 12,4 отсто одат кај пријател, а 4,2 отсто ги поминуваат работните денови во заеднички работен простор. Во меѓувреме, 5,6 отсто од нив работат од аеродром, додека 3,0 отсто од авион.

И покрај навидум работите што им го одвлекуваат вниманието, две третини од работниците рекоа дека се чувствуваат попродуктивни кога се ослободени од канцеларијата. За да трошат помалку време на неработни активности, шефовите можеби ќе сакаат да размислат за скратување на работната недела бидејќи 80 отсто од испитаниците рекле дека ќе потрошат повеќе време на зададените задачи ако треба да работат само четири дена во неделата.

Извор: Biznis.telegraf.rs
Фото: Freepik