Една жена во Лапонија, најсеверниот регион на Финска, стана светски позната откако објави видео од нејината санка која ја влече ирвас. Џанита Кентала открила на „Тик-ток“ дека патува до супермаркетот со ирвас бидејќи е поеколошки и поевтин начин во време кога цените за гориво се високи.
Во нејзината објава, таа вели дека бензинот чини 2 евра за литар, а секое патување во Лапонија трае долго. Видеото има илјадници коментари.
Во него таа носи традиционална облека, а нејзината санка ја влече нејзиниот 3-годишен ирвас Солина.
Кентала е претседател на туристичка агенција во Лапонија која користи санки влечени од ирваси и кучиња.
Извор:
Futurism
Фото: Pixabay