Голем број истражувања во областа на психологијата дошле до сознанија дека оптимистичните деца се психички поздрави, имаат подобар имунитет, поотпорни се на стрес и поуспешни на училиште, a подоцна и воопшто во животот. Родителите се првите лица со кои детето се среќава и нивниот начин на воспитување во голема мера влијае врз развој на оптимизмот. Доколку им покажуваат на децата оптимистичен начин на објаснување на случувањата, го наградуваат оптимизмот и не упатуваат чести критики кон детето, поголема е веројатноста тие да израснат во оптимистични лица. Психологот Фросина Денкова Зафировска предлага 6 чекори кои помагаат за развој на оптимизмот кај децата.