Функцијата „Компјутерска историја“ (Computer History) на Чет-ГПТ ѝ овозможува на апликацијата на оваа компанија за компјутерите „мек“ на „Епл“ да помни што правеле корисниците во апликациите и веб-страниците, користејќи настани на интеракција како кликови, пишување и менување апликации наместо снимање на екранот или видеозаписи.

Официјалната документација на Опен АИ покажа дека датотеките што ја содржат таа историја не се шифрирани.

Од „Опен АИ“ велат дека „Компјутерската историја“ привремено ги зачувува настаните со интеракциите на „мек“ и ги брише тие датотеки по 48 часа. Потоа создава локални мемории како датотеки во форма на обичен текст.

Што е уште поважно, „Опен АИ“ предупредува дека тие датотеки не се шифрирани и дека други програми што се извршуваат под истиот корисник на мекОС можат да им пристапат.

Ова е важно бидејќи функцијата „Компјутерска историја“ е дизајнирана да снима прилично широка слика од она што некој го прави на својот „мек“, слично на функцијата Рикол на „Мајкрософт“ за „Виндоус“.

Не снима екран, звук или видео, но податоците за интеракцијата и понатаму можат да откријат кои апликации и веб-страници ги користел некој, со кои документи комуницирал и други потенцијално чувствителни активности.

Најголемиот ризик не е нужно упадот во Чет-ГПТ, туку злонамерниот софтвер или друга злонамерна апликација што веќе се извршува под истата корисничка сметка на мекОС.

Ако тој софтвер може да дојде до локалните датотеки, недостигот на енкрипција потенцијално му дава уште еден извор на информации за активноста на корисникот.

Постои загриженост и за давањето толку многу контекст на системите за вештачка интелигенција.

Злонамерните упатства скриени во рамките на веб-страниците или друга содржина потенцијално би можеле да влијаат врз она што вештачката интелигенција го гледа во својата историја.


За среќа, функцијата „Компјутерска историја“ треба да ја вклучите за да биде активна, а „Опен АИ“ им дава на корисниците контроли за исклучување на апликации и веб-страници.