До крајот на месецов можете да аплицирате на повеќе огласи за вработување во државната администрација.

До денес се активни два огласа за вработување во Дирекцијата за заштита и спасување (можете да ги видите ТУКА и ТУКА), еден оглас за вработување на 27 службеници во Агенцијата за финансиска поддршка во земјоделството и руралниот развој, еден оглас за вработување во ЈЗУ Институт по белодробни заболувања кај децата Козле-Скопје и еден оглас за вработување во Министерството за правда.

Задутре истекува рокот за аплицирање на огласот за вработување на 4 службеници во ЈП Водовод и Канализација - Скопје, додека четврток е последен ден за аплицирање на двата огласи за вработување во Државниот завод за ревизија (ТУКА и ТУКА) и еден оглас за вработување во Министерството за одбрана.

Огласот за вработување на 5 службеници во ЈСП-Скопје е активен до 23 јули, а оној за вработување во Државниот инспекторат за животна средина до 24 јули.

До 26 јули, пак, можете да аплицирате на два огласа за вработување во Државниот инспекторат за животна средина (ТУКА и ТУКА) и еден за вработување на 5 службеници во Државниот завод за ревизија.

За вработување во Агенцијата за стоковни резерви и во Кабинетот на претседателот можете да аплицирате до 27 јули, а на 28 истекува рокот за аплицирање на огласите за вработување во Министерството за здравство и во Дирекцијата за радијациона сигурност.

До 31 јули се активни огласите за вработување на 10 службеници во Агенцијата за катастар на недвижности и оној за вработување во Министерството за култура.