Познатиот американски излузионист Дејвид Коперфилд беше принуден да го открие својот познат трик откако еден британски турист, Гавин Кокс, поднесе тужба тврдејќи дека бил сериозно повреден додека учествувал во неговиот спектакл во Лас Вегас во 2013 година.

Имено, 58-годишниот човек бил на шоуто за својот роденден и бил избран да учествува во илузијата наречена „Трик Среќни#13“, во која треба да исчезнат 13 луѓе од публиката.

За време на исчезнувањето, Кокс тврди дека претрпел трајно оштетување на мозокот и повреда на рамото бидејќи паднал при изведувањето на трикот.