Студија која ги поврзувала карактерните особини на лицата со податоците за нивните финансии открила дека љубезните луѓе имаат помали заштеди, поголеми долгови и поверојатно е да банкротираат и да доцнат со плаќањето на кредитите.

Сандра Мац е научничка од Колумбиското бизнис училиште во Њујорк. Таа направила истражување со колегата од Велика Британија, Џо Гладстоун, за кое тие користеле комбинација од прашалници и банкарски податоци и тие двајца утврдиле дека луѓето кои имаат подобри резултати на тестовите за личноста, односно се пољубезни, имаат поголеми шанси да имаат финансиски потешкотии, особено ако имаат мали примања.


Научниците, исто така, ги поврзале податоците за личноста на милиони луѓе во САД и Велика Британија со податоците за бројот на оние кои не можеле да си ги платат долговите. И повторно утврдиле дека колку пољубезни биле луѓето, толку полоша им била финансиската состојба. Мац смета дека тоа е поради тоа што таквите луѓе воопшто не се грижат за парите. Можеби пречесто плаќаат во ресторан или позајмуваат пари, а тоа не можат да си го дозволат.

Па како може таквите луѓе да ги направиме помудри?

Еден од начините е да се уверат дека не се грижиме за парите само поради себеси, се грижиме за семејството, за луѓето кои ги сакаме, недостатокот од пари нема да влијае само на вас, туку и на сите околу вас кои се грижат за вас и кои ги сакате. Клучна е грижата за другите луѓе за да имате подобра смисла за финансии.

Ако Мац успее да ги научи добрите луѓе како да бидат повнимателни со финансиите и поретко да посегнуваат по сметката за да ја платат, тогаш кој ќе ја плаќа? Тоа е нешто за кое треба договор, плаќањето би требало рамномерно да се распореди. Треба љубезното лице му објасни на другиот дека не може секогаш да плаќа и дека сака да постои рамнотежа бидејќи тоа го прави односот однос и тоа не е еднонасочна улица.

Што значи дека љубезните луѓе би морале да се научат да се чувствуваат поудобно во незгодни ситуации.