Германската компанија „Телеперформанс“, која одбележува две успешни години од своето работење во Скопје, стигна до фантастична бројка од 350 вработени и голем број убави приказни. Една таква приказна е таа на триесет и шестгодишниот Даниел Турчевски, кој пред само една година ѝ се приклучи на компанијата како агент за корисничка поддршка, за потоа да биде унапреден во тренер за новите вработени. Денес, тој е супервизор на проект и ги повикува сите што го зборуваат германскиот јазик и сакаат да работат од дома или од канцеларија, да аплицираат и да му се приклучат на најдоброто место за работа во светот – Телеперформанс!

Даниел Турчевски од Скопје има 36 години и работи како супервизор во македонското претставништво на најголемата компанија за кориснички услуги во светот – „Телеперформанс“. Своите први чекори во компанијата ги прави пред околу една година кога враќајќи се од Германија, дозна за можноста за работа во „Телеперформанс“ и одлучи да аплицира. Веднаш потоа доби понуда за работа како агент за корисничка поддршка – позиција за која, како што вели тој, е потребно само познавање на германскиот јазик.

- Сè што се бараше е познавање на германскиот јазик (минимум Б2), а другото се учи преку обука во компанијата која е целосно платена од првиот ден - вели Даниел сеќавајќи се на денот која ја добил работата во „Телеперформанс“.

Започнал како агент за корисничка поддршка и на таа позиција се задржал 9 месеци. Вели дека денот на еден агент за корисничка поддршка е многу динамичен и интересен бидејќи давате сè од себе за да им помогнете на клиентите да ги решат техничките проблеми, а во исто време ви е мило што сте им помогнале и сте го решиле нивниот проблем. Работата не е воопшто монотона бидејќи секој ден се соочувате со нови предизвици кои се решаваат на брз и едноставен начин благодарение на квалитетната обука низ која поминува секој од агентите.

- Пред да почнам да примам повици од клиенти, имав интензивна обука со нашите тренери во „Телеперформанс“, која траеше четири недели. За тоа време имав можност да поставам какви било прашања, а можев да сметам на нивната поддршка и помош во секое време - вели Даниел.

По 9 месеци тој е унапреден на позицијата тренер, а неговата задача е да им нуди максимална поддршка на агентите во текот на четирите недели од нивниот интензивен тренинг. Тоа значи дека додека трае тренингот, целото тоа време тренерот е заедно со агентот, заедно ги слушаат разговорите и им дава предлози на агентите како подобро да одговорат и да ги решат проблемите на клиентите.

Во јуни 2021 година „Телеперформанс“ го доби и престижниот меѓународен сертификат Great Place To Work® што, пак, е доказ за одличните услови за работа што компанијата им ги нуди на вработените. Тоа го потврдува и статистиката, која покажа дека дури 94% од вработените ја сметаат компанијата за одличен работодавец, додека 98% од вработените би им ја препорачале на своите пријатели и роднини како одлично место за работа. Покрај тоа, „Телеперформанс“ е препознатлива по најатрактивната плата на пазарот, германските стандарди за работа и најмодерните канцеларии лоцирани во срцето на Скопје.

- Искрено мислам дека Great Place To Work® е нешто што целосно го заслуживме. Во секое време сме тука за нашите колеги и ние сме едно големо TP-семејство. Секој вработен има сè што му е потребно, а нашите колеги од секторот за човечки ресурси се секогаш тука да одговорат на сите наши желби - ни откри Даниел.

„Телеперформанс“ е компанија која нуди и можност за работа од дома, што значи дека одлично платените работни места се отворени и за кандидатите надвор од Скопје – сè што се бара е познавање на германски јазик.

- Во моментов, поради пандемијата, дури 80% од колегите работат од дома затоа што сакаме да останеме здрави и безбедни. На секој агент што сака да работи од дома му обезбедуваме целосна опрема и максимална поддршка преку нашите алатки за помош на агентите - вели Даниел.

Од 1 септември Даниел е унапреден во супервизор на проект и тоа ја покажува јасната определба на „Телеперформанс“ идните менаџери да ги гради од своите редови. Како супервизор, Даниел има повеќе административни обврски, дневни состаноци, коучинг со агентите и поголема одговорност за секој агент што работи на неговиот проект.

Даниел вели дека во „Телеперформанс“ секогаш има место за нови луѓе бидејќи компанијата има цел да расте уште повеќе.

- На сите што зборуваат германски јазик им ја препорачувам „Телеперформанс“ како најдобро место за работа во светот. Ние сме едно големо семејство и сакаме секој нов вработен да биде среќен, задоволен и да се чувствува како да е дел од тоа семејство. Доколку сте заинтересирани, ве охрабрувам да аплицирате на TPSkopje.com и нашите колеги ќе ве контактираат веднаш - порачува Даниел.

(Комерцијална објава)