Марија Тимовска уште од мала имаше голема желба за цртање. Водена од таа желба, одлучи да се запише на графички дизајн и се упати на ФИКТ, за на крај да заврши на насока поврзана со програмирање. Потоа се обиде со историја на уметност во Скопје, па со гејмерство, за повторно да се врати во делот на програмирање.

Марија беше дел од Академијата за компјутерски науки и развивање софтвер и иако првиот пат не го положи завршниот тест, со неколку месеци интензивно учење стигна до нејзината прва работа во ИТ, односно во InterWorks.

Решивме да ја прашаме Марија како ѝ помогна Академијата да стане дел од оваа успешна компанија, a доколку сакаш и ти да бидеш нашата следна успешна приказна, искористи го ваучерот за дигитални вештини и аплицирај тука, уште денес.

- Слушнав за Академијата од мои пријатели, кои ми ја препорачаа. Одлучив да се приклучам и да стекнам знаења за ИТ. За жал, на завршниот тест од Академијата паднав. Вербата на предавачот и на центарот во мене ми даде мотив да докажам дека навистина можам и умеам да постигнам повеќе. Не се откажав и по месеци труд и напорна работа го постигнав тоа што го сакав, односно се вработив.

Што ти остави најголем впечаток на Академијата?

- Искрено, не можам да издвојам нешто особено зашто одговорот е сè. Да почнам од изборот на темите/материјалите и до самото предавање. Станавме компактна група и си помагавме и да се дружевме и надвор од Академијата, а тоа сè уште трае. Едноставно беше многу убаво искуство и доживување од кое научив повеќе отколку самите материјали поврзани со ИТ.

Што ти беше најголем предизвик за време на Академијата?

- Од самиот почеток знаев дека ќе треба да жртвувам време кое порано залудно го трошев и бев ментално подготвена секојдневно да учам, премногу се посветив затоа што знаев дека тоа ќе биде нешто привремено. Сè што вреди не се добива лесно, да, курсот беше тежок за почетник како мене кој немаше никакво предзнаење, но иако ми беше тешко, сепак беше забавно и ми беше интересно да учам.

Дали сметаш дека Академијата беше клучен фактор за твојата прва работа?

- И да и не. Да затоа што премногу ми помогна и ми даде една голема основа да знам од каде да почнам, но иако го имав тоа, да немав желба и упорност да продолжам да работам на своите знаења и по завршувањето, немаше да успеам.

- Би се надоврзала на едно од претходните прашања. Секој што има желба да учи и сака да биде константно предизвикуван од нови задачи, ќе успее. Според мене, на секој што има интерес и желба за учење и работа, оваа Академија ќе му даде шанса да успее.

- На сите што имаат план за започнат со некој курс или академија, едноставно би им препорачала да се подготват за тоа дека ќе треба да учат повеќе отколку што мислеле, тоа ми беше мене грешката кога започнав. Како што веќе реков и претходно, треба да се посвети многу внимание, но доколку се пронајде љубовта кон оваа професија, целата подготовка ќе биде една забавна авантура, барем мене тоа ми беше и сè уште ми е двигател. Иако работам, сè уште учам и се предизвикувам и решавам проблеми на дневна основа.

(Комерцијална објава)