Незадоволна од производот и од несоодветната реакција на службата за корисници, лута клиентка (и акционерка) се обидела лично да му го врати пакетот на шефот на „Амазон“ на годишна конференција на акционери.

За време на неодамнешната сесија на прашања и одговори, неименуваната разочарана купувачка и акционерка се обидела да му врати пакет директно на Џеф Безос.

Која е причината? Клиентката веќе четирипати се обидувала да го врати производот по регуларен пат, но откако не ѝ успеало, решила да му се обрати на шефот.

За да не го упропасти состанокот со прашања и одговори докрај, Безос се обидел да ја смири ситуацијата со малку хумор.

- Се извинувам што рутинската процедура на враќање пакет сте морале да ја извршите на олку необичен начин. Има ли некој друг пакет што сака да го врати - прашал тој.

Amazon shareholder attempts to return item at annual meeting, saying she had tried without luck four times. Says @jeffbezos: "My apologies that you had to use this unusual venue to accomplish what should have been a routine task. Anybody else have anything they need to return?"

— toddbishop (@toddbishop) May 22, 2019

Враќањата во „Амазон“ обично се вршат преку страницата на компанијата или преку апликација. Клиентите одговараат на неколку прашања зошто го враќаат производот и ако е дискреционо враќање, тие плаќаат такса за достава за да го испратат назад во компанијата.