НАУКА ЗА ДЕЦА, Фондација КАНТАРОТ и семејството Стикови по третпат ја распишуваат наградата „Колега Стиков“, во чест на доајенот на македонското спортско новинарство и еден од најпрепознатливите радиогласови во нашата историја.

Сакаме да го слушнеме вашиот глас како млади научни репортери!

Темата на овогодишниот конкурс е македонската наука. Пронајдете приказна што вреди да се раскаже: изум или откритие на научник родум од Македонија чија работа заслужува да биде позната.

Кој може да учествува?

Сите ученици и млади на возраст до 18 години.

Што треба да направите?

Подгответе оригинална мултимедијална содржина, не подолга од пет минути. На пример:

- Видео-репортажа за македонски научен изум или откритие;

- Интервју со научник родум од Македонија;

- Поткаст за македонски научник и неговата работа;

- Краток документарен прилог за научен настан во Македонија;

Откријте ја приказната зад науката: кој ја создал, како се родила идејата и зошто светот треба да ја слушне!

Што добива победникот?

Стручна комисија од истакнати новинари и научници ќе го избере најдобриот прилог. Победникот ќе добие 30,000 денари, како и можност за менторство и практично искуство со врвни професионалци!

Како да се пријавите?

Испратете го вашиот прилог на: naukazadeca.mk@gmail.com

Со податоци: име и презиме, возраст, училиште, град и телефон за контакт.