Стресот е секојдневен и сè почест дел од нашите животи. Мислиме дека сме станале имуни на него, но несвесните навики често можат да откријат ранливости за кои не сме свесни дека лежат под мирната површина. Стресот се манифестира на различни начини кај луѓето. Некои се поочигледни, па дланките се потат, стомакот реагира, некои луѓе целосно се „замрзнуваат“ и стануваат вкочанети под влијание на силниот стрес. Научниците мислат дека пронашле вообичаена несвесна навика кај повеќето луѓе во состојба на ментален стрес.

Повеќето луѓе под стрес прават одреден гест

Истражувачите од Универзитетот во Хјустон и Технолошкиот институт во Вирџинија набљудувале и анализирале околу 170 часа видеоснимки од 10 академски истражувачи, во текот на четиридневна работа во канцеларија. Тие заклучиле дека повеќето во ситуација на силен стрес често прават одреден гест, што е сигурен показател за ментален стрес.

Дали ги допирате брадата, носот, образите?

Истражувањето тврди дека вработените што биле изложени на повисок степен на стрес почесто го допирале лицето. Секоја човечка интеракција била следена преку вештачка интелигенција, со снимки кои детектирале потење поврзано со стрес. Тие откриле интересен образец: луѓето што често ги допирале брадата, образите и носот покажале значително повисоки нивоа на стрес.

Тоа укажува на зголемена активност на симпатичкиот нерв

Брадата, носот и челото ја формираат таканаречената „Т-зона“, дел од лицето густо испреплетен со нервни завршетоци, објаснуваат научниците. Кога се во многу стресна ситуација, луѓето инстинктивно и најчесто несвесно ги допираат овие чувствителни делови од лицето бидејќи им обезбедуваат чувство на удобност. Допирањето повеќе делови од долниот дел од лицето истовремено покажува најсилна поврзаност со стрес.

Стимулацијата на симпатичкиот нервен систем ги зголемува срцевиот ритам и крвниот притисок, го зголемува протокот на крв низ скелетните мускули и срцето. Во исто време, крвта се пренасочува од кожата и внатрешните органи кон виталните органи.

Негативните емоции преовладуваат

Учесниците во истражувањето покажале претежно негативни емоции 50 проценти од времето, неутрални - 20 проценти, а изрази на тага или сериозност што обично ги имаат кога се концентрираат - 20 проценти од времето. Најмалку простор имало за насмевка или израз на среќа, само 4 проценти. Биле забележани и индивидуални разлики во фреквенцијата на допирање на лицето.

Двајца вработени ги допирале своите лица значително почесто. Од друга страна, една учесничка во истражувањето речиси никогаш не го допирала своето лице. Истражувачите веруваат дека повеќето луѓе во состојба на стрес го допираат своето лице, но исто така додаваат дека сите имаме уникатни обрасци.

Што влијае врз нивото на стрес на работа?

Не се соочуваат со високо ниво на стрес само вработените. Анкета на Американското здружение на психолози покажала дека несигурноста на работното место значително влијае врз нивото на стрес кај мнозинството американски работници - 54 проценти. Значи, кога мислите дека сте имуни на стрес, обрнете внимание колку често го допирате лицето, можеби несвесно ја држите брадата додека пребарувате нешто на компјутерот или ја допирате устата додека размислувате.

Извор: eklinikatelegraf.rs

Фото: Freepik