Повеќе од 2,6 метри снег паднаа во снежната бура што ја зафати Алјаска, предизвикувајќи уривање на покриви на комерцијални згради во Енкориџ, а властите ги повикаа жителите да го исчистат снегот од покривите.
Дополнителни 16 сантиметри снег паднаа во Енкориџ за време на викендот, со што снегот во најголемиот град на Алјаска е 254 см, а се очекува да се надмине рекордот од 342 сантиметри.
Во текот на изминатите седум дена температурите во Енкориџ беа под нулата секоја вечер, достигнувајќи до минус 17 Целзиусови степени, пренесува Еј-би-си њуз.
На социјалните мрежи се појавија тврдења дека температурите се спуштале под -40 степени.
Извор: МИА