Пред одбележувањето на Меѓународниот празник на трудот, на социјалните мрежи повторно се појавија фотографии и видеа од прославите на 1 Мај во поранешна Југославија, во времето на Јосип Броз Тито.
На фејсбук-страницата „Носталгија“ беше објавено видео на кое се гледа како детски хор настапува пред Тито и насобраната толпа, во рамките на тогашниот празничен протокол. И покрај дождливото време, граѓаните присуствувале на настанот и учествувале во прославата.
Во едно од своите обраќања Тито им го честита 1 Мај на работниците нагласувајќи дека празникот е посветен на народот на социјалистичка Југославија, како и на идните генерации што треба да живеат во подобро општество.
Под објавите на социјалните мрежи се појавија многу коментари во кои дел од корисниците со носталгија се сеќаваат на тој период, истакнувајќи дека тогашниот живот бил постабилен и поорганизиран. Други коментираат дека денес недостига чувството на заедништво и масовни празнични прослави какви што постоеле во тој период.
Во коментарите се забележува поделено мислење. Додека некои го идеализираат животот во поранешната држава, други нагласуваат дека секое време носи свои предизвици и различни општествени околности.
Извор:
Mondo.rs
Фото: Screenshot/YouTube