Како што се наближува годинашната „Евровизија“, многумина се присетуваат на старите денови кога Југославија учествуваше на овој фестивал. Се прераскажуваат настапи, се пеат победнички песни, но исто така се потсетуваме и на легендарните гафови што насмеале многумина.
Постарите генерации сигурно сè уште ја паметат „Евровизија“ од 1981 година кога Југославија ја претставуваше Сеид Мемиќ Вајта со песната „Лејла“ во главниот град на Ирска, Даблин. Ова натпреварување, ако не по песната, остана во сеќавањето на многумина поради еден комичен настан.
Тој момент сигурно го памети и телевизиската и радиоводителка Хелга Влаховиќ, која требаше да ги соопшти гласовите на Југославија.
Водителката од Даблин, Доиран Ни Бријаин, го поздрави белградското студио и ја повика водителката да ги соопшти поените од Југославија, но се чини дека имаше проблем со телефонската линија. На почетокот Влаховиќ воопшто не се слушаше, а по неколкукратни повици од Даблин, таа на крајот кусо одговори на англиски: „Ги немам“. Оваа изјава предизвика смеа во публиката, а Влаховиќ со тоа влезе во аналите на „Евровизија“, создавајќи еден од најсмешните моменти во историјата на натпреварот.
Извор:
6yka.com
Фото: Screenshot