Картите за влегување во авион често може да се видат на социјалните мрежи кога луѓето сакаат да се пофалат дека одат некаде. На оваа карта има многу навидум небитни бројки и букви, меѓутоа, објавувањето на картите може да има сериозни последици.
Овие бројки и букви на картата се напишани со причина, а тоа е да им откријат на авиокомпаниите лични информации за патниците. Но, врз основа на кодовите од картата и други луѓе можат да пристапат до вашите лични податоци.
Ноам Ротер се занимава со испитување на безбедноста и тој открива дека секој хакер може да го пронајде PNR-кодот (passenger name record), каде што се наоѓаат информациите за резервацијата на патникот, само со употреба на кодот од шест карактери.
- Само со употреба на PNR-кодот успеав да пристапам до личните податоци и да ги променам контактот и деталите за патниците - истакна Ротем, објаснувајќи како ја проверувал сигурноста на резервациите преку интернет.
Со помош на овој код, кој луѓето го објавуваат многу лесно, можно е да се промени сè во врска со патникот - името и презимето, годината, електронската пошта, контактот, бројот на
телефонот.
Многу агенции работат на подобрување на заштитата на приватноста на корисниците, но секако треба да се води сметка и личните податоци, макар биле и во форма на код, да не се објавуваат на социјалните мрежи.