На интернет деновиве кружи снимка на која може да се види како Кинезите со употреба на технологијата се обидуваат да го намалат ризикот од ширење на коронавирусот. На снимката може да се види еден работник задолжен за мерење на телесната температура на жителите во зградата како тоа го прави со беспилотно летало. На безбедна оддалеченост, пред зградата, сместен е пилотот на дронот. Го насочува кон балконите на станарите, а сè што тие треба да направат е накратко да излезат надвор.
Останатиот дел од работата го извршува термовизиската камера, која ја мери телесната температура и така ги открива жителите што можеби се заразени со коронавирусот.
На овој начин домашната посета на лекарите се извршува на далечина, па се елиминира директниот контакт со заразените, кој е еден од главните начини за пренесување на
вирусот.
Снимката беше објавена на „Твитер“ од страна на кинески „Глобал тајмс“.
Погледнете ја.