Истражувачите проценуваат дека во светот постојат над 1.500 музички инструменти. Меѓу нив, на прв поглед постои само еден кој може да се свири без физички допир, а тоа е теремин, инструмент со мистичен звук и хипнотички изглед. Иако постои речиси еден век, многумина веруваат дека сè уште има голем неискористен потенцијал. Музиката што ја создава тереминот е исто толку уникатна колку и неговата историја, а можностите што ги нуди инспирираат музичари од различни жанрови и генерации.

Тереминот изгледа едноставно 

Повеќето модели се состојат од кутија со две метални цевки, едната стои исправена над кутијата, а другата е свиткана во форма на латинската буква „U“ и е прикачена од спротивната страна. Овој аранжман создава осцилации на две фреквенции над опсегот на човечкото сетило за слух. За да се свири, раката или стапчето се движат над кутијата, со што се менуваат овие нечујни фреквенции и се создава звук во опсегот на човечките уши.

Тереминот бил измислен во 20-тите години од Леон Теремин, руски инженер и физичар. Инструментот бил создаден случајно. Биографот Алберт Глински за „Си-би-ес нуз“ раскажува:

Свирењето на тереминот бара прецизност и обучено уво, па претходното музичко искуство е од голема помош. Меѓу првите вешти свирачи била Клара Рокмор, класично обучена виолинистка која престанала да свири поради тендинитис на раката. Судбината сакала така што, запознавајќи го Теремин, таа го прифатила овој нов инструмент и со текот на времето станала негов најпознат изведувач благодарение на контролираното свирење. Рокмор соработувала со Теремин за проширување на можностите на инструментот, а нивниот однос кулминирал со тоа што Теремин се заљубил во неа, но кога ја побарал за жена, таа го одбила.

Тереминот продолжи да влијае и врз модерната музика. Во 1967 година Пол Танер го измислил електротереминот, инструмент што ги имитира звуците на тереминот, а е одговорен за високите тонови во песната „Good Vibrations“ на „Бич бојс“.

Две години подоцна, „Лед џепелин“ му ја даде препознатливата текстура на својот хит „Whole Lotta Love“ со помош на тереминот.

- Знаев што сакам и како да го постигнам тоа. Најголем дел од звуците ги создавам со тереминот и гитарата. Тереминот дава највисоки тонови, а мојата Лес Пол ги дава пониските - изјавил Џими Пејџ.

 

Денес, иако не е многу популарен, тереминот често се користи во поп-културата како средство за создавање мистични или необични звуци. Звучниот запис за серијата „Локи“, компониран од Натали Холт, изобилува со теремин за да го нагласи мистериозниот и напнат дух на приказната. Тереминот се појави и во ТВ-серијата „Бубалици“, во епизодата „The Bus Pants Utilization“, кога Шелдон Купер го свири гласно за да му ја наруши работата на својот пријател, што резултира со негово исфрлање од заедничкиот стан.



Извор: Mymodernmet.com
Фото: Wikipedia