Протестот наречен „Плата или конфликт“ беше организиран од два водечки шпански синдикати - Генералниот синдикат на работниците (UGT) и Работничката комисија (CCOO).

Според една неодамнешна студија на Организацијата за економска соработка и развој (ОЕЦД), шпанските работници ќе забележат намалување на нивните реални плати за 4,5 отсто во просек оваа година поради инфлацијата.

Тоа е една од најголемите загуби. Германските работници се очекува да доживеат пад на реалните плати за 2,9 отсто, а американските работници се очекува да изгубат само 0,6 отсто од она што го заработиле во 2021 година.

- Платите во Шпанија се намалуваат како што се зголемуваат трошоците за живот. Во меѓувреме, големите компании го зголемија профитот од повеќе милијарди долари и им делат дивиденди на акционерите - напиша на „Твитер“ министерот за потрошувачки прашања Алберто Гарзон, давајќи им поддршка на протестите.

Стапката на невработеност во Шпанија изнесува 12,6 отсто, открија официјалните податоци објавени во четвртокот.

45 000 manifestent à Madrid en Espagne pour exiger des augmentations de salaires pour faire face à l'inflation. Les syndicats menacent de durcir le conflit #SalarioOConflicto pic.twitter.com/rDqpYA27fz

— Anonyme Citoyen (@AnonymeCitoyen) November 3, 2022

Шпанија минува низ најголема инфлација во последните 30 години и историски пораст на цените поради последиците од руско-украинската војна, а квалитетот на животот на граѓаните е ослабен со намалувањето на нивната куповна моќ.

Шпанското Министерство за земјоделство, храна и рибарство на почетокот од месецот објави извештај во кој се наведува дека годишната куповна моќ на шпанските прехранбени производи првпат паднала под 600 литри/килограм.

Просечниот годишен трошок за полнење на фрижидерот и шпајзот за Шпанците за периодот август 2021 - јули 2022 година е 1.698 евра. Таа бројка е за 5,3 отсто помала од најниската куповна моќ досега забележана во таа земја.